Мбаппе Роналдуга ҳам насиб этмаган натижани қайд этди

«Реал» ҳужумчиси Килиан Мбаппе Ла Лигада яна бир бор гол урди ва ноёб натижани қайд этди.

Франциялик футболчи «Эльче»га қарши учрашувнинг 33-дақиқасида рақиб дарвозасини ишғол қилиб, ҳисобни 2:0 кўринишига келтирди. Шу тариқа, 27 ёшли ҳужумчи жорий чемпионатдаги 6 та ўйинда 7 та гол урди.

Журналист Mister Chip маълумотига кўра, Мбаппе «Реал» тарихида Ла Лиганинг дастлабки 6 та ўйинида кетма-кет икки мавсум 7 ёки ундан кўп гол урган учинчи футболчига айланди.

Бунга аввал фақат Пруден 1945 ва 1946 йилларда, шунингдек, Уго Санчес 1986 ва 1987 йилларда эриша олган.

Қизиғи, «Реал» тарихидаги энг сермаҳсул футболчи Криштиану Роналду ҳам бу натижани қайд эта олмаган.

Килиан Мбаппе «Реал» сафида 2024 йилдан буён тўп тепмоқда.