Мбаппе "Реал" тарихида дебют мавсумида 40 та гол урган илк футболчига айланди.

Ла Лиганинг 36-турида "Мальорка"га (2:1) урилган гол "Реал" ҳужумчиси Килиан Мбаппе учун Мадрид жамоаси либосидаги 40-гол бўлди.

Squawka хабарига кўра, 26 ёшли француз клуб тарихида дебют мавсумида шунча гол урган илк футболчига айланди. Мбаппенинг Ла Лигада 28 та, Чемпионлар лигасида 7 та, Испания кубогида 2 та, қитъалараро кубок, Испания Суперкубоги ва УЕФА Суперкубогида биттадан голи бор.

MisterCHip маълумотларига кўра, у Испания футболидаги биринчи мавсумида 40 ёки ундан ортиқ гол урган тарихдаги иккинчи футболчи ҳамдир. Бунгача фақат бразилиялик Роналдо бунга муваффақ бўлган, у 1996/97 йилги мавсумда "Барселона"даги биринчи мавсумида 47 та гол урган.

Португалиялик ҳужумчи Криштиану Роналду "Реал"даги биринчи мавсумида 33 та гол урди.