Мбаппе «Реал» сафида 64 учрашувда 50 та гол урди, Роналду бу кўрсаткичга 54 ўйинда эришган эди

«Реал» клуби ҳужумчиси Килиан Мбаппе «Марсель»га қарши Чемпионлар лигаси умумий босқичи 1-тур учрашувида (2:1) икки марта пенальтидан гол уриб, "Қироллик клуби" сафидаги ўз голлари сонини 50 тага етказди. Франциялик футболчи «қаймоқранглилар» сафида 64 учрашувда шу натижага эришди.

Мбаппега қараганда тезроқ 50 та голга эришган ягона футболчи — жамоанинг собиқ ҳужумчиси Криштиану Роналду бўлиб, у 2010 йил ноябрида 54 ўйиндаёқ ушбу маррани забт этган эди.

Франциялик ҳужумчи 2024 йил ёзида испан грандига қўшилган. Унинг клуб билан амалдаги шартномаси 2029 йил ёзигача мўлжалланган.