Мбаппе "Олтин тўп" маросимига бормайди

"Реал" ҳужумчиси Килиан Мбаппе йилнинг энг яхши футболчисига топшириладиган "Олтин тўп" маросимида иштирок этмаслигини маълум қилди.

"Уни қўлга киритиш учун совринлар ютиш керак. Мен клубимга совринлар олишда ёрдам беришим зарур, шунда кейин кўрамиз.

Агар Дембеле ғолиб чиқса, жуда хурсанд бўламан, чунки у менинг дўстим ва бошиданоқ уни қўллаб-қувватлаб келганман. Трансляцияни кўраман ва Усмоннинг ғалабасини тилайман", – деди Мбаппе "CBS Sports" эфирида.