Матбуот билан қарама-қаршилик: CNN журналистига Трамп билан учиш тақиқланди

Оқ уй CNN журналистининг АҚШ президенти Дональд Трамп билан Теннесси штатига учадиган «Эйр Форс Уан» самолётида бўлишига рухсат бермади.

Маълум қилинишича, бу қарор Трамп маъмуриятининг айрим оммавий ахборот воситалари билан давом этаётган қарама-қаршилиги доирасида қабул қилинган.

Аввалроқ Трамп CNN, MSNBC ва Politico журналистларининг Оқ уйга киришини чеклаган ва уларни «сохта хабарлар» тарқатишда айблаган эди. Учта нашр маъмурият қарорини матбуот эркинлигига тажовуз сифатида баҳолаб, судга мурожаат қилган.

Федерал суд қарори ортидан CNN, MSNBC ва Politico журналистларининг Оқ уйга кириш ҳуқуқи қайта тикланган эди. Бироқ CNN журналистининг президент билан парвоз қилиш имконияти чекланди.

Трамп маъмурияти ва оммавий ахборот воситалари ўртасидаги низо матбуот эркинлиги ва Оқ уй журналистларига кириш имконияти масалалари бўйича баҳсларни кучайтирмоқда.