Миллиардер ва АҚШ Ҳукумат самарадорлиги департаменти (DOGE) раҳбари Илон Маск ўзининг маъмуриятдаги ваколати муддати тугаётганини эълон қилди ва президент Доналд Трампга миннатдорчилик билдирди.
"Махсус давлат хизматчиси сифатидаги ваколатим муддати тугаётган бир пайтда, ортиқча харажатларга қарши курашиш имкониятини бергани учун президент Доналд Трампга миннатдорчилик билдирмоқчиман. DOGE миссияси вақт ўтган сайин мустаҳкамланиб боради, чунки у давлат бошқарувининг барча органларида одатий тартибга айланади", — деб ёзди Маск ўзининг Х ижтимоий тармоғидаги саҳифасида.
Аввалроқ Маск CBS bilan suhbatda Трампнинг “катта ва чиройли” солиқ ҳамда бюджет тўғрисидаги қонунидан ҳафсаласи пир бўлганини айтган эди. Маcкнинг фикрича, бу қонун ўзининг давлат харажатларини камайтириш борасидаги саъй-ҳаракатларини заифлаштиради ва бюджет тақчиллиги ошишига олиб келади.
Трамп президентлик лавозимини эгаллагач, Маск “махсус давлат хизматчиси” сифатида тайинланган эди, бу унга йилига 130 кун давлат учун ишлаш имконини берган. Агар 20 январ, инаугурация кунидан бошлаб ҳисобланса, бу муддат май ойининг охирида тугайди.
Reuters манбаларига кўра, Маск кетишидан олдин Трамп билан расмий суҳбат ўтказмаган. Уларнинг айтишича, бу қарор “энг юқори даражада” қабул қилинган.
Апрел ойида Маск DOGE учун ҳафтасига бир-икки кун ажратиб, кўпроқ ўз компанияларида ишлашни режалаштираётганини айтган эди.
Кремль миллиардлаб топмоқда, Европа эса миллиардлаб сарфламоқда
Дуров: "Мен русман!"
Украина Россиянинг муҳим ҳарбий объектларига зарба берди
