Маск Starlink сунъий йўлдош алоқаси ўчирилса, Украина фронти қулашини айтди

Илон Маск Starlink сунъий йўлдош алоқаси ўчирилса, Украина фронти қулашини айтди.

"Менинг Starlink тизимим Украина армиясининг таянчидир. Агар мен уни ўчириб қўйсам, уларнинг бутун фронт чизиғи қулайди", — деб ёзди Маск Х ижтимоий тармоғида.

Америкалик ишбилармон, шунингдек, Украинада зудлик билан тинчлик ўрнатишга чақирди.

"Мен бир неча йиллардан буён давом этаётган қон тўкиш ва Украина учун барибир мағлубият билан тугайдиган бу урушдан нафратланаман. Ҳақиқатан ҳам қайғурадиган, ўйлайдиган ва тушунадиган одам бу қирғинни тўхтатишни истайди", — дея қўшимча қилди Маск.