Айни кунларда Самарқанд шаҳрида Марказий Осиё ёшлари экологик оромгоҳи бўлиб ўтмоқда. Эко-оромгоҳ барқарор ривожланиш маданиятини тарғиб қилиш ҳамда иқлим масалалари бўйича кун тартибига болалар ва ёшларни жалб қилиш бўйича Марказий Осиё стратегиясини ишлаб чиқишга қаратилган.
Тадбир давомида Марказий Осиёнинг 5 та давлатидан 60 нафар эко-фаол бир қатор таклифларни илгари суришди.
Хусусан, йўқолган ўсимликларнинг ўрнини қоплаш, аҳоли, айниқса, ёшларнинг экологик маданиятини юксалтириш учун сунъий ўрмонлар барпо этиш зарурлиги таъкидланди. Шу билан бирга, экостартапларни молиялаштириш орқали зарарли чиқиндиларни камайтириш, электромобиллар ишлаб чиқаришни кўпайтириш ва ёқилғида ҳаракатланувчи транспорт воситаларининг катализаторларини яхшилаш зарурлиги қайд этилди.
Бундан ташқари, атроф-муҳит фаоллари жамоатчилик эътиборини таниқли шахслар ёрдамида экологик муаммоларга қаратишни таклиф қилишди.
Экологик оромгоҳ 5 октябрга қадар давом этади.
Биринчи марта! Киев чекинишга тайёр...
Исроил Эронга зарба беришга тайёрланмоқда. Саудия Арабистонининг реакцияси
Аҳоли сонининг келажакдаги ўсишига туртки бўлган Топ-10 та давлат
