Фарғона вилоятининг Марғилон шаҳрида содир бўлган йўл-транспорт ҳодисаси оқибатида бир киши вафот этди. Бу ҳақда вилоят ИИБ хабар берди.
Ҳодиса кеча, 19 апрель куни Марғилон шаҳар Н.Холматова кўчасида содир бўлган. 1986 йилда туғилган ҳайдовчи М.Т. ўз бошқарувидаги Volkswagen русумли автомашинасини ҳайдаб бораётиб, 2003 йилда туғилган ҳайдовчи М.М. бошқарувидаги Spark русумли автомашина билан тўқнашган.
ЙТҲ оқибатида Spark автомашинаси ҳайдовчиси М.М. тан жароҳати олиб, ҳодиса жойида вафот этган.