Англиянинг “Манчестер Юнайтед” клуби Мадриднинг “Реал” жамоасида тўп сураётган бразилиялик ҳужумчи Эндрикни ўз сафига қўшиб олишни истамоқда. Бу ҳақда Caught Offside нашри хабар бермоқда.
Манбага кўра, 19 ёшли футболчи қишки трансфер ойнасида “Манчестер Юнайтед”га ижара асосида ўтиши мумкин. Айни пайтда Эндрикка тахминан саккизта клуб жиддий қизиқиб тургани айтилмоқда. Бироқ “Реал” Мадрид футболчини сотишни режалаштирмаяпти. Клуб раҳбарияти унинг ривожланишини таъминлаш мақсадида бошқа жамоага ижара асосида бериш вариантини жиддий кўриб чиқмоқда. Шу боис, футболчининг келажагига яқин кунларда аниқлик киритилиши кутилмоқда.
Маълумот учун, жорий мавсумда Эндрик “Реал” сафида ҳали бирорта ҳам ўйинда майдонга тушгани йўқ. Бунга футболчининг жароҳати сабаб бўлган. Унинг клуб билан шартномаси 2030 йил ёзигача амал қилади. Transfermarkt портали ҳужумчининг қийматини 35 миллион еврога баҳоланмоқда.
Аввалроқ Эндрикга Англия Премьер-лигасининг яна бир клуби — “Вест Ҳэм”, шунингдек, Испаниянинг “Валенсия” жамоалари ҳам қизиқиш билдираётгани ҳақида хабарлар тарқалган эди.
АПЛ. Абдуқодир Ҳусановнинг энг қиммат футболчилар рейтингидаги ўрни аниқ бўлди
"Реал" футболчиларига BMW автомобиллари совға қилинди. Ким қайси моделларни танлади?
Гвардиола: «Холанддан ҳафсалам пир бўлди»
