«Манчестер Сити» ва «Челси» Чемпионшипга тушириб юборилиши мумкин

Англияда кутилмаган янгилик янгради: «Манчестер Сити» ва «Челси» клублари Премьер-лигадан Чемпионшипга тушириб юборилиши мумкин. Сабаб — кўплаб молиявий қоидабузарликлар.

Айни пайтда АПЛ клубларни ўрганмоқда. Агар қоидабузарликлар аниқланса, клублар жазога тортилади. Ҳаттоки жамоалар Чемпионшипга туширилиб юборилиши мумкин.

«Челси» трансфердаги воситачиларга яширинча пул тўлагани тахмин қилинмоқда. «Манчестер Сити» эса, АПЛдаги маълумотларга қараганда, сўнгги 14 йил ичида 115 та ҳолатда молиявий фэйр-плей қоидасини бузган.

Эслатиб ўтамиз, бугун молиявий ҳалол ўйин қоидасининг бузилиши туфайли «Эвертон»дан 10 очко олиб ташланди.