"Манчестер Юнайтед" марказий ярим ҳимоячиси Кобби Майну Европанинг яна бир гранди қизиқишлари доирасига тушиб қолди. TEAMtalk хабарига кўра, англиялик футболчи учун курашга "Манчестер Сити" ҳам қўшилиши мумкин.
Манбага кўра, "шаҳарликлар" раҳбарияти хавбекни қишки трансферлар даврида ўз сафига қўшиб олишга ҳаракат қилади. Бироқ, қайд этилишича, Майну учун курашда "Ньюкасл" фаворит бўлиб турибди.
Айрим ОАВ маълумотларига кўра, ярим ҳимоячига "Челси", "Эвертон" ва "Астон Вилла" клублари қизиқиш билдирмоқда. Шунингдек, миш-мишларга кўра, "қизил иблислар" футболчиси Италияда ҳам қизиқиш уйғотмоқда. Уни "Рома" ва "Наполи" ўз сафига қўшиб олмоқчи.
Жорий мавсумда Кобби Майну "Манчестер Юнайтед" сафида 3 та ўйинда майдонга тушди ва 1 та голли узатмани амалга оширди. Унинг инглиз клуби билан шартномаси 2027 йилнинг ёзигача мўлжалланган.
Наоя Иноуэ: "Бу Муроджоннинг шарофати билан эди"
Ўзбекистон Японияга йирик ҳисобда мағлуб бўлди
Қойилмақом ўйнаган Ҳусанов неча баллга лойиқ кўрилди? (Фото)
