Трамп украиналик журналистга ваъда берди

Трамп украиналик журналистга Украинадаги урушни тўхтатишга ваъда берди

"Икки ой олдин сиз Украинага Patriot ҳаво мудофаа тизимининг 17 та учириш қурилмаси етказилишини эълон қилган эдингиз", – дея саволини бошлади журналист.

"Сиз қаердансиз?", – деб уни гапини бўлди Трамп.

"Украинадан", – дея жавоб берди журналист.

"Мен Украинани севаман, украин халқини ҳам севаман. Лекин сизнинг мамлакатингизда жуда катта муаммолар бор. Бу ҳеч қачон бўлмаслиги керак эди, бу уруш бошланмаслиги керак эди, лекин мен уни тўхтатаман. Сўнгги 8 ойда мен 7 та урушни тўхтатдим. Мен бу энг осони бўлади деб ўйлагандим, чунки мен Путинни жуда яхши биламан. Лекин ундай бўлмади. Чунки Зеленский билан Путиннинг ўртасида жуда кучли нафрат бор. Аммо биз буни тўхтатамиз", – деди АҚШ президенти.