"Манчестер Сити" иши яна бир неча йил давом этиши мумкин

"Манчестер Сити" ва Англия Премьер-лигаси ўртасидаги ҳуқуқий можаро яқин орада якунланмаслиги мумкин.

The Athletic маълумотига кўра, агар клуб мавжуд барча апелляция ва ҳуқуқий имкониятлардан фойдаланса, жараён яна бир неча йил давом этиши эҳтимоли бор.

АПЛ регламентида апелляция учун муайян муддатлар белгиланган бўлса-да, иш материалларининг катта ҳажми сабаб бу жараён узайтирилиши мумкин.

Ҳуқуқшунослар иш фақат Премьер-лиганинг ички интизомий тартиби билан чекланиб қолмаслиги мумкинлигини ҳам таъкидламоқда. Кейинги босқичларда қўшимча арбитраж ёки оддий суд тартибидаги даъволар юзага келиши эҳтимоли мавжуд.

Macfarlanes юридик фирмаси шериги Фред Сноуболлнинг айтишича, апелляциядан кейин ҳам янги ҳуқуқий жараёнлар бошланиши мумкин.

"Премьер-лига қоидалари апелляция ва эҳтимол қўшимча арбитраж жараёнини назарда тутади. Шунингдек, судга мурожаат қилиш вариантини ҳам истисно этиб бўлмайди", — деди у.

Шу боис "Манчестер Сити" билан боғлиқ ишнинг тўлиқ якунланиши ҳали анча вақт талаб қилиши мумкин.