“Манчестер Сити” Абдуқодир Ҳусановнинг келажаги бўйича қарор қабул қилди

Англиянинг “Манчестер Сити” клуби ўзбекистонлик марказий ҳимоячи Абдуқодир Ҳусанов бўйича режаларини маълум қилди.

Бу ҳақда журналист Саймон Байковскийга таяниб, “Euro-football” хабар берди.

Қайд этилишича, “шаҳарликлар” раҳбарияти 21 ёшли Ўзбекистон миллий терма жамоаси футболчисини яқинлашиб келаётган мавсумда таркибда сақлаб қолмоқчи.

Футболчи бошқа ҳимоячилар билан асосий таркиб учун рақобатда иштирок этади. Узун ва зич тақвимда Гвардиола жуда кўп ротацияларни амалга оширишини ҳисобга олсак, унга етарлича вақт берилишига ишонса бўлади.