Бу ҳақда бир кун аввал ТАССга Халқаро хавфсизлик бўйича зобитлар ҳамдўстлиги (CОМИ) раҳбари Александр Иванов маълум қилди. Унга кўра, ёлланма аскарлар тўлиқ шараф билан дафн этилади.
«2024 йил 30 сентябрга ўтар кечаси FAMA (Мали Қуролли Кучлари) ва Россия иттифоқчилари ҳалок бўлган сафдошларининг жасадларини олиш учун ҳаракат қилишди ва бугун улар ўз бурчларини бажардилар», деди СОМБ раҳбари.
Ёлланма аскарларнинг жасадлари Россияга қайтарилгани ҳақидаги маълумот вагнер билан боғлиқ “Unloading Wagner” телеграм каналида тасдиқланган. Журналист, Давлат думаси спикери Вячеслав Володиннинг собиқ ёрдамчиси Анастасия Кашеварованинг сўзларига кўра, жами 35 нафар ҳалок бўлганларнинг жасади Россия Федерациясига жўнатилган, бироқ барча жасадларни олиб чиқишнинг имкони бўлмаган.
Ўнлаб вагнерликлар ҳалок бўлган жанглар июль ойида Малининг Тин-Заутина ҳудудида бўлиб ўтган. BBC рус хизмати манбасининг айтишича, жами 82 ёлланма аскар ҳалок бўлган. The Wall Street Journal бу россиялик жангчиларнинг 2017 йилда Африкага жўнатилганидан бери энг катта йўқотишларидан бири эканлигини таъкидлади.
