Малдив Республикаси президенти Муҳаммад Муиззу парламент томонидан маъқулланган қонунни имзолади. Бу қонун асосий даромад манбаи туризм бўлган мамлакат ҳудудига Исроил фуқароларининг киришини тақиқлайди.
"Бу қадам ҳукуматнинг Исроил томонидан содир этилаётган ёвузликлар ва Фаластин халқига қарши олиб борилаётган геноцидга нисбатан қатъий позициясини тасдиқлайди. Малдив ороллари яна бир бор Фаластинни қўллаб-қувватлашини билдиради," - дея таъкидланди президент маъмурияти баёнотида.
Муиззу офиси вакили AFP агентлигига маълум қилишича, тақиқ дарҳол кучга киради.
Малдив ороллари 1192 та стратегик жойлашган маржон оролчаларидан иборат кичик Ислом республикаси бўлиб, ўзининг оқ қумли хилват соҳиллари ва саёз мовий лагуналари билан машҳур.
Қонун лойиҳаси ҳам ҳукмрон коалиция, ҳам мухолифат кучлари томонидан қўллаб-қувватланди. Расмий статистикага кўра, 2025 йил февраль ойида Малдив оролларига 214 минг сайёҳ ташриф буюрган.
Роналдунинг ўзи ва оиласи хавф остида!
Тайванлик овчи қарийб 90 минг долларлик балиқ тутди
Хитой АҚШнинг F-47 лойиҳасига зарба берди
