Уганда пойтахтидаги бошланғич мактаб ўқувчиларини олиб кетаётган автобус иштирокида мудҳиш йўл-транспорт ҳодисаси юз берди. Сипи шаршарасига уюштирилган экксурсиядан қайтаётган болалар бўлган транспорт воситаси йўлдан чиқиб кетиб, ағдарилган.
Маҳаллий полициянинг хабар беришича, ҳалокат оқибатида 20 нафар бола ва бир нафар катта ёшли киши қурбон бўлган. Шунингдек, яна бир неча киши турли даражада жароҳат олган.
Фожиа Чеквати қишлоғи яқинида содир бўлган. Дастлабки маълумотларга кўра, ҳайдовчи бошқарувни йўқотган, натижада автобус йўл четидаги тошга бориб урилган ва ағдарилиб кетган.
Жароҳатланганлар зудлик билан яқин атрофдаги Капчорва ва Мбале шаҳарлари шифохоналарига етказилган. Уларга зарур тиббий ёрдам кўрсатилмоқда.
Ҳозирда полиция ЙТҲ сабабларини ўрганмоқда. Ҳалокатга сабабчи бўлган ҳайдовчининг шахсига аниқлик киритилмоқда.
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
“Ислом НАТО”сига қўшилишни хоҳловчилар кўпаймоқда
