Франция президенти Эммануэль Макрон АҚШ президенти Дональд Трампнинг унинг рафиқаси Брижит Макрон томонидан қўл кўтарилгани ҳақидаги баёнотларига изоҳ беришдан бош тортди.
Журналистларнинг саволларига жавоб берар экан, Макрон шундай деди: «Мен бунга жавоб бермоқчи эмасман. Шу сабабли, мен уларга жавоб қайтармайман — бу жавоб беришга лойиқ эмас». Франция етакчиси, шунингдек, Америка раҳбари томонидан билдирилган фикрлар на назокатли ва на ўринли эканлигини таъкидлади.
Аввалроқ АҚШ президенти Эммануэль Макроннинг оилавий муносабатлари устидан мазах қилиб гапирган эди. Унинг таъкидлашича, Франция етакчиси гўёки унга «жуда ёмон» муносабатда бўладиган рафиқасининг «жағига туширган зарбаси»дан сўнг ҳалигача ўзига кела олмаётган эмиш.
