Ўрта вазнда UFC жангчиси Маҳмуд Муродов Ўзбекистон Қуролли Кучлари сафига қўшилди. Бу ҳақда жангчи ўз Instagram саҳифасида хабар берди.
Маҳмуд Муродов бир қатор спортчилар ва ходимлар қаршисида қасамёд қабул қилди.
"Ўзбекистон Республикасига ва Президентимга садоқат билан хизмат қиламан!", — деб ёзди жангчи ўз саҳифасида.
Маълумот учун, Муродов Чехия байроғи остида ҳам жангларда қатнашарди. Бироқ унинг Чехиядаги визаси "жамият учун хавфли" айблови билан бекор қилинганди.
