Ўрта вазн тоифасида ўзбекистонлик UFC жангчиси Маҳмуд Мурадов машғулотларга қайтди.
У Тошкентда мураббий Жасур Алижонов ҳамда "Muradov Legion Team" жамоаси билан биргаликда шуғулланмоқда.
Кеча Мурадов Instagram саҳифасига қуйидаги суратларни жойлаб, уни шундай изоҳлади:
"Кўзларим ҳаммаси жойида, Алҳамдулиллаҳ! Секин-аста машғулотлар жараёнига қайтяпмиз".
Эслатиб ўтамиз, Маҳмуд Мурадов UFC'даги сўнгги жангида россиялик Алиасхаб Хизриевга қарши октагонга чиқиб, кўзидан жароҳат олган эди. Мазкур жанг ташкилотчилар томонидан ўтказилмаган деб топилган эди.
