Мадриддаги ҳукуматга қарши намойишда ўн минглаб одамлар иштирок этди

Мадрид марказида Испания бош вазири Педро Санчес ҳукумати ва ҳукмрон Социалистик ишчилар партиясига қарши норозилик намойиши бўлиб ўтди.

The Guardian нашри хабар беришича, намойишни мухолифатдаги Халқ партияси ташкил қилган. Минтақадаги марказий ҳукумат делегациясига кўра, митингда 45-50 минг киши иштирок этган. Ташкилотчилар 100 000 намойишчини эълон қилди.

Оммавий норозиликка ҳукумат, бош вазир атрофидагилар ва унинг оила аъзоларига тегишли коррупция можаролари сабаб бўлди. Халқ партияси етакчиси Альберто Нуньес Фейхоо намойишчиларга мурожаат қилди. У фуқароларни "демократия билан ҳисоб-китоб қилишга ва сайловлар ўтказишга" чақирди. Партия раҳбари янги сайловлар ҳозир ўтказилиши кераклигини таъкидлади.

Шу билан бирга, ҳукмрон Испания Социалистик ишчилар партияси вакиллари митингни "муваффақиятсизлик" деб баҳолади. Мамлакат таълим вазирлиги раҳбари Пилар Алегрия "Estopa" мусиқий гуруҳи Фейхоодан кўра кўпроқ томошабинларни жалб қилишини таъкидлади. Бу Фейхоо сиёсий кучи томонидан ташкил этилган олтинчи акциядир. 10 май куни Мадридда Испания бош вазирининг истеъфоси учун норозилик намойишлари бўлиб ўтди, унда 25 мингга яқин одам иштирок этди.