Бу ҳақда The Telegraph нашри хабар берди.
Аниқланган ташхисларнинг ярмидан кўпи инфекция икки порт шаҳри Туамасина ва Тауланару ҳиссасига тўғри келмоқда.
Эпидемияга 1b клада штамми сабаб бўлган. Бу вируснинг 2024 йилда Конго Демократик Республикасида пайдо бўлган тури бўлиб, ўшанда ЖССТ халқаро аҳамиятга эга бўлган жамоат соғлиқни сақлаш фавқулодда ҳолатини эълон қилган эди. Олимларнинг фикрича, қўзғатувчи Мадагаскарга жорий йилнинг бошида денгиз савдо йўллари орқали кириб келган.
Суррей университети профессори Карлос Малукер де Мотеснинг таъкидлашича, касалликнинг тарқалишига одамларнинг кўчиб юриши туртки бўлмоқда, бу эса вирус илгари тарқалмаган жойларда янги ўчоқларни ҳосил қилмоқда. Унинг сўзларига кўра, Туамасина ва Тауланару одамлар ҳаракати жадал бўлган йирик савдо портлари бўлиб, бу инфекциянинг кириб келишини ва унинг зич шаҳар бўйлаб кейинги тарқалишини енгиллаштирган.
Эпидемиянинг ҳақиқий кўлами расмий рақамлардан кўпроқ бўлиши мумкинлиги қайд этилмоқда. ЖССТ маълумотларига кўра, Мадагаскарда ўтказилган тестларнинг тахминан 65 фоизи ижобий натижа бермоқда, бу эса мутахассисларнинг фикрича, касалланганларни аниқлашда камчиликлар борлигини кўрсатади.
Хитой электромобиллари омборларда тўпланиб қолмоқда
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
Флоренцияда “биринчи Cоcа-Cola” рецепти топилди
