Исроилнинг Maariv газетаси Эронга қарши урушда АҚШ президенти Дональд Трамп ва Исроил бош вазири Биньямин Нетаньяху стратегик жиҳатдан мағлубиятга учраганини ёзди. Нашрга кўра, Теҳроннинг Ҳурмуз бўғози устидан назорати унга жаҳон савдоси ва энергия таъминотига жиддий таъсир кўрсатиш имконини берган.
Tasnim агентлигининг Maariv мақоласига таяниб хабар беришича, Эрон стратегик аҳамиятга эга Ҳурмуз бўғозидаги мавқеидан самарали фойдаланган. Бу орқали мамлакат глобал савдо ва энергетика оқимларига таъсир ўтказиш имкониятини сақлаб қолган.
Исроил нашри Трамп ва Нетаньяху Эронга қарши ҳарбий ҳаракатларни режалаштиришда жиддий хатоларга йўл қўйганини ҳам таъкидлаган. Мақолада улар келгуси режаларда ҳам аввалги хатоларни такрорлаётгани ҳақида фикр билдирилган.
Ҳурмуз бўғози жаҳондаги энг муҳим энергетика йўлакларидан бири ҳисобланади. Дунёда истеъмол қилинадиган нефть ва суюлтирилган табиий газнинг тахминан бешдан бир қисми ушбу бўғоз орқали ташилади.
Манбада қайд этилишича, 2026 йил 28 февралда бошланган АҚШ ва Исроилнинг Эронга қарши ҳарбий ҳаракатлари минтақадаги хавфсизлик ва иқтисодий вазиятга таъсир кўрсатиб, Ҳурмуз бўғозини қарама-қаршиликнинг асосий нуқталаридан бирига айлантирган. Эрон эса ушбу сув йўлидаги геосиёсий мавқеидан Вашингтон ва Тел-Авивга босим ўтказиш воситаси сифатида фойдаланган.
"Майли мени ўлдиришсин. Лекин... "
Хакерлар 27 миллиондан ортиқ ўзбекистонликнинг шахсий маълумотлари сақланган базани бузиб кирди
Трамп Эрондаги узоқ давом этган уруш учун Пентагон раҳбари ва Бирлашган штаб бошлиқлари қўмитасининг бошлиғини айблаши мумкин - The Atlantic
