Луврдаги талончилик иши бўйича қўлга олинган беш кишидан икки нафарига айблов эълон қилинди

Париж суди Луврдаги талончилик иши бўйича яқинда ҳибсга олинган беш кишидан икки нафарини (аёл ва эркак) айблади.

Reuters агентлиги хабар беришича, 3 нафари қўйиб юборилган.

"Лувр музейидан 102 миллион долларлик заргарлик буюмлари ўғирланиши бўйича терговда бир аёл ва бир эркак расман айбланди", — деди Париж прокурори шанба куни.

Унга кўра, полицияга аввалги ўғирликлари билан таниш бўлган 37 ёшли эркак уюшган ўғирлик ва жиноий тил бириктирганликда айбланган. 38 ёшли аёл ўғирлик ва тил бириктиришда иштирок этганликда айбланган.

Бу иш бўйича расмий айблов қўйилганларнинг умумий сонини тўрттага етказади. Яна икки киши 25 октябр, шанба куни ҳибсга олинди, расмий айбловлар 29 октябрь куни қўзғатилди. Улар Францияда яшовчи 34 ёшли Жазоир фуқароси (унинг шахси қочишда фойдаланилган скутерда топилган ДНК излари туфайли аниқланган) ва Париж чеккасида яшовчи 39 ёшли такси ҳайдовчиси.