Пайшанба куни, 3 октябрь тушдан кейин, Россиянинг учта "Шаҳед" дрони Беларус ҳудудига кириб келди. Бу пайтда мамлакат президенти Александр Лукашенконинг вертолёти осмонда учиб юрган эди, дея хабар бермоқда "Беларуский Гаюн" мониторинг канали.
Маълум қилинишича, дронлар тахминан соат 12:55 да Украинанинг Чернигов вилоятидан мамлакат ҳаво ҳудудига кириб келган: "Уларнинг иккитаси Янги Гута атрофидан ўтиб, Гомел томон йўл олган, яна бири эса Лоев ҳудудига кириб, Хойников йўналишида ҳаракат қилмоқда."
Лойиҳага кўра, бу вақтда Лукашенконинг вертолёти жанубий йўналишда "Озерний" қароргоҳидан, тахминан, Микашевичи томон учаётган бўлган.
