Беларус президенти Александр Лукашенко мамлакатда ишчи кучи етишмаслигига эътибор қаратди ва бу муаммони бартараф этиш учун хорижий ишчиларни жалб қилиш бўйича қарор қабул қилинганини маълум қилди.
“Дунёда бўлгани каби, бизда ҳам ишчи кучи етишмайди. Худога шукур, бу ҳали ҳалокатли эмас. Лекин бунинг фалокатга олиб келишига йўл қўймаслигимиз керак. Шу боис, биринчи навбатда собиқ Иттифоқ республикаларидан ишчи кучини жалб қилиш тўғрисида қарор қабул қилинди”, — деди Беларусь раҳбари.
Унга кўра, кадрлар жалб этиш жараёнида маҳаллий ҳокимият, туман ва корхона раҳбарлари манфаатдор бўлиши керак ва ишчи танлашда улар фаол иштирок этишлари талаб қилинади.
“Агар қайсидир саноат корхонаси, қоғоз фабрикаси ёки бошқа жойга одам керак бўлса, унинг раҳбари бошқа давлатлардан келган одамларни ишга қабул қилсин. Биз ҳеч кимни чекламаймиз. Ишга олинг, улар билан шартнома тузинг, ишланг”, — деди Лукашенко.
Шу билан бирга, президент таъкидлашича, хорижий ишчилар амалдаги тартибларни бузса, улар дарҳол мамлакатдан чиқариб юборилади.
“Аммо бу ерга ишлагани ўз оиласи, болалари билан келганлар бўлса, биз уларга худди ўзимизникидек, беларуслардек муносабатда бўлишимиз керак”, — дея қўшимча қилди давлат раҳбари.
Фермер "ер ковлаб," ўз майдонидан олтин топди
F-35 энди яширина олмайди! Россия ва Хитой радарлари америкалик қирувчиларни аниқлаяпти
Полша Украинага қўшин юбориш бўйича якуний қарорни эълон қилди
