"Ливерпуль" қишки трансферлар ойнаси олдидан Салоҳ бўйича қарор қабул қилди

"Ливерпуль" Муҳаммад Салоҳнинг келажаги бўйича позициясини маълум қилди.

Таъкидланишича, инглиз гранди босслари футболчини қишда сотишни режалаштирмаяпти. "Қизиллар" Салоҳнинг мавсум ўртасида жамоани тарк этиши салбий сигнал бўлади ва ўз мақсадлари йўлидаги кураш авжига чиққан паллада жамоани заифлаштиради, деб ҳисобламоқда. Аввалроқ, вингер "Ливерпуль"га клубни танқид қилган ва кетиши мумкинлигига ишора қилган шов-шувли интервьюдан сўнг қайтган эди.

Муҳаммад Салоҳ бу мавсумда "Ливерпуль" сафида АПЛда 14 та учрашув ўтказди. Уларда ўйинчи "гол + пас" тизими бўйича "4+3" натижасини қайд этган.