Ливандан Қозоғистонга 41 нафар мамлакат фуқароси қайтди

Ливандан Қозоғистоннинг 41 фуқароси мамлакатга қайтди. Эвакуация Истанбул ва Дубай орқали амалга оширилди.

Бу ҳақда Қозоғистон Ташқи ишлар вазирлиги маълум қилди.

"Яқин Шарқдаги вазиятнинг кескинлашуви муносабати билан Президент Қосим-Жомарт Тоқаевнинг топшириғи, шунингдек, Қозоғистоннинг тегишли давлат органлари кўмагида мамлакат фуқаролари ва уларнинг оила аъзолари Ливандан эвакуация қилинди" - дейилади баёнотда.

Ташқи ишлар вазирлиги 2024-йилнинг 17-октябридан 31-октябрига қадар жами 41 киши Бейрутдан Остона ва Олмаота шаҳарларига эсон-омон қайтганини маълум қилди.