Ливан Сурия чегарасида хавфсизликни кучайтирмоқда

Ливан армияси раҳбарияти ИШИД террор ташкилоти таҳдиди муносабати билан Сурия билан чегарадаги ҳудудларда назоратни кучайтириш чораларини кўрди.

Бу ҳақда армия матбуот хизмати Х ижтимоий тармоғида маълум қилди.

"Барқарорликни сақлаш мақсадида чегара ҳудудида интенсив патруль хизмати олиб борилмоқда, қўшимча кузатув миноралари ўрнатилди", — дейилади матнда.

Маълум қилинишича, Ливан Қуролли кучлари қўмондонлиги айни пайтда Сурия расмийлари билан хавфсизлик чораларини мувофиқлаштирмоқда.