Аввал хабар берилганидек, 27 июль куни соат 08:50 да Олма-Ота - Екатеринбург автомагистралининг 299-километрида аянчли йўл-транспорт ҳодисаси рўй берганди.
Қарағанда вилоятидан Олма-Ота шаҳри томон кетаётган Toyota Land Cruiser 200 автоулови ҳайдовчининг рул бошқарувини йўқотиши натижасида ағдарилиб кетган эди. Бунинг натижасида машинадаги икки киши вафот этган, яна икки йўловчи шифохонага етказилганди.
Автомобилни Ўзбекистонда туғилган қозоғистонлик UFC жангчиси Шавкат Раҳмоновнинг рафиқаси Гулайим Раҳмонова бошқарган. Гулайим билан бирга унинг уч ёшли ўғли ҳам бўлган. Ҳодиса оқибатида 39 ёшли йўловчи З.А. воқеа жойида, яна бир йўловчи, 35 ёшли А.С. Мўйинқум туман касалхонасига олиб кетилаётганда вафот этган.
Раҳмонова ва унинг ўғли ҳам шу касалхонасига олиб келинган. Травматология бўлимига ётқизилган она-боланинг аҳволи ўртача дея баҳоланган. Айни пайтда ушбу ЙТҲ сабаблари ўрганилмоқда.
Адвокат Багдат Амандосулининг айтишича, Гулайим Раҳмоновани 5 йилдан 10 йилгача бўлган муддатга қамоқ жазоси кутмоқда. У 7 йилга автотранспорт бошқариш ҳуқуқидан маҳрум этилади.
Исломбек Исмоиловга таъзия изҳор қиламиз
Назарбоев бойлик рейтингида Трампдан ўзиб кетди
Ўзбекистон миллий терма жамоаси Тошкентда Жаҳон чемпионларига қарши ўйнайди
