Литва Украина учун ўқ-дорилар харид қилиш учун 20 миллион евро ажратишни режалаштирмоқда.
Бу ҳақда мудофаа вазири Довиле Шакалене маълум қилди.
"Ёз жуда қийин бўлиши мумкин, шунинг учун биз имкон қадар тезроқ ёрдам кўрсатишимиз керак. Литва патронлар сотиб олиш учун қўшимча 20 миллион евро ажратиш ниятида, чунки бу Украинага ҳозир жуда керак бўлган нарсалардан бири", - деди у.
Шакалене, шунингдек, НАТО штаб-квартирасида Украина мудофааси бўйича контакт гуруҳининг йиғилишида Украинанинг фавқулодда эҳтиёжларини муҳокама қилишни режалаштираётганини айтди.
