Зеленский Эрдўған билан учрашувдан кейин матбуот анжуманида бир қатор муҳим баёнотлар билан чиқди

Зеленский Истанбулга бормаслигини Россия билан музокараларда Украина делегациясига мудофаа вазири Рустем Умеров раҳбарлик қилишини айтди.

Украина президенти бу ҳақда Анқарада Туркия президенти Ражаб Тоййиб Эрдўған билан учрашувдан кейинги матбуот анжуманида эълон қилди.

Украина президентининг бошқа баёнотлари:

◾️ Россия ва Украина делегациялари ўртасидаги учрашув бугун кечқурун ёки эртага бўлиб ўтиши кутилмоқда;

◾️ Украина делегацияси Туркияга келган АҚШ вакиллари билан ҳам учрашади;

◾️ Россия делегациясининг паст даражасини кўриб, биз улар жиддий музокараларга тайёр эмаслигини тушундик;

◾️ Москва реал музокараларга жиддий ёндашмаяпти, бироқ АҚШ президенти Доналд Трампга ҳурматимиз боис Украина делегациясини музокараларга юборамиз;

◾️ Музокарада қатнашаётганлар Россия делегацияси аъзолари орасида қарор қабул қиладиган шахсларни кўрмаяпмиз;

◾️ Бизнинг делегациямиз кун тартибида ўт очишни тўхтатиш масаласини кўтаради, лекин Россия бунга тайёрми — бунга ишончимиз йўқ;

◾️ Туркия президенти Ражаб Тоййиб Эрдўған яна бир бор Украинанинг ҳудудий яхлитлигини қўллаб-қувватлашини ва Қримни Украина ҳудуди деб ҳисоблашини тасдиқлади;

◾️ Мен ҳанузгача Россия бу учрашувларга жиддий ёндашмаяпти, урушни тўхтатмоқчи эмас, деб ҳисоблайман;

◾️ Украина делегацияси ва мен Истанбулда 16 май куни ҳам қоламиз. Агар Россиядан дастлабки шартларсиз ўт очишни тўхтатиш фақат давлат раҳбарлари ўртасидаги музокаралар орқали бўлиши мумкинлиги ҳақида сигнал бўлса, мен шу ердаман;

◾️ Россия Путиннинг тўғридан-тўғри музокараларга тайёрлигини айтди, кейин эса барчаси ўзгарди. Мана, мен шу ердаман, биз тўғридан-тўғри музокараларга тайёрмиз;

◾️ Агар Россия урушни якунлашга ҳақиқий тайёрликни намойиш қилмаса, Украина АҚШ, Европа Иттифоқи ва “Глобал Жануб” давлатларидан Россияга қарши кескин санкциялар жорий этишни сўрайди;

◾️ Биз ҳаракатларимизни президент Трамп билан мувофиқлаштирмадик, лекин музокаралар ўтказилишини билганимизда, уларнинг юқори даражада ўтиши керак деб қарор қилдик;

◾️ Ҳозир Россия урушни тугатмоқчи эмаслигини намойиш қилмоқда;

◾️ Мен Путинга ҳеч қандай таклиф киритмадим, барчамиз биламизки, у фақат тўғридан-тўғри музокараларни талаб қилади;

◾️ Россия ҳурмацизлик кўрсатмоқда: на учрашув вақти, на кун тартиби, на юқори даражали делегация бор. Руслар бизни ҳурмат қилмайди, бу шундоқ ҳам аён;

◾️ Мен Конституция кафолатчисиман. Қрим — бу Украина. Биз босиб олинган ҳудудларни Россияники деб тан олмаймиз;

◾️ 20 фоиз ҳудудимизни босиб олиш — бу дипломатия эмас;

◾️ Трампнинг позицияси — ҳар икки томонга босим ўтказиш, бизга Россияга қараганда кўпроқ босим бўлмоқда;

◾️ Биз ўз ҳаётимиз ва еримизни бой беришга тайёр эмасмиз;

◾️ Россия барча йўналишларда ҳужум ҳаракатларини бошлаган. Асосий йўналиш Суми, у ерда 67 минг нафар рус қўшинлари олдинга силжимоқда, Украина Қуролли Кучлари улар кучларини бирлаштирмаслиги учун чоралар кўрмоқда.