Россия қўшинлари амалда ёзги ҳужум кампаниясини бошлаб юборди, деб маълум қилди Украина Қуролли кучларининг "Харков" оператив-тактик гуруҳи матбуот котиби Павел Шамшин телемарафон эфирида.
Унинг айтишича, Россия музокараларни манипуляция воситаси сифатида қўлламоқда, тинчликка жиддий интилиш кўрсатмаяпти.
"Истанбулга юборилган делегация ҳеч кимга таниш бўлмаган шахслардан таркиб топган, шунинг учун бу музокараларга жиддий қараш ўринсиз. Биз ҳаммамиз, айниқса Украина ҳарбийлари, тинчликни хоҳлаймиз, бироқ Россия ҳеч қачон ўт очишни тўхтатиш бўйича берган ваъдаларига амал қилмаган. Одатда бу янги ҳужумларга тайёргарлик кўришнинг бир усули," - деди Шамшин.
У россияликларнинг куч тўплаётганини таъкидлаб, яқин орада сулҳ тузилишига умид қилмаслик кераклигини, чунки ёзги ҳужум аллақачон бошланиб бўлганини айтди.
“Микрофонга бақириш дипломатия эмас” — Лавров
"Сизлар бизга террорчи, биз эса сизларга сув берамиз"
Зеленский Эрдўған билан учрашувдан кейин матбуот анжуманида бир қатор муҳим баёнотлар билан чиқди
