ИЛМА мутахассислари Интернет мониторинги давомида крипто-активлар билан операциялар ниқоби остида фуқаролар маблағини тўплаётган ҳамда “молиявий пирамида” белгиларига эга бўлган “LIONSGATE” лойиҳасининг фаолиятини аниқладилар. Лойиҳа ташкилотчилари Ўзбекистонда крипто-активлар соҳасида фаолият юритиш учун белгиланган лицензияга эга эмас. Агентлик ушбу ҳолат бўйича ҳуқуқни муҳофаза қилувчи органларга мурожаат йўллади.
Амалдаги қонунчиликка мувофиқ, крипто-активлар айланмаси соҳасида хизматларни фақат белгиланган тартибда лицензия олган Ўзбекистон резиденти бўлган юридик шахслар амалга ошириши мумкин. Лицензияланган провайдерлар реестри Агентлик веб-сайтида мавжуд.
Шу билан бирга, фуқаролар ва юридик шахслар крипто-активларни сотиб олиш, сотиш ёки айирбошлаш операцияларини 2023 йил 1 январдан бошлаб фақат миллий провайдерлар орқали амалга оширишлари шарт. Белгиланган тартибни бузиш маъмурий ёки жиноий жавобгарликка сабаб бўлади.
Фуқароларни эҳтиёткор бўлишга чақирамиз:
🗣 Лицензиясиз крипто-лойиҳаларга маблағ йўналтирманг.
🗣 Операция амалга оширишдан олдин провайдер лицензияси мавжудлигини текширинг.
🗣 Ноқонуний лойиҳаларда иштирок этиш моддий зарар ва жавобгарликка олиб келиши мумкин.
Ўзбекистонликлар ва туркманистонликларнинг қаршилигига қарамай Роғун ГЕС қурилиши давом этади
Каспий денгизи иккига ажралиши мумкин
Жиззахда Lacetti ва юк машинаси иштирокидаги "авария"да 5 киши ҳалок бўлди
