«Барселона» ва Испания терма жамоаси вингери Ламин Ямал ижтимоий тармоқлар орқали баёнот билан чиқди. Иқтидорли футболчи Испания – Миср учрашувида ҳурматсизлик акс этган ҳайқириқларни айтган испаниялик мухлисларни танқид қилди.
«Кеча стадионда "Ким сакрамаса, ўша мусулмон" деган ҳайқириқлар янгради. Бу рақиб жамоага қаратилганини ва шахсан менга қарши эмаслигини тушунаман, аммо мусулмон сифатида буни ҳурматсизлик ва йўл қўйиб бўлмайдиган хатти-ҳаракат деб ҳисоблайман.
Ҳамма мухлислар ҳам бундай эмаслигини тушунаман, лекин бундай нарсаларни айтаётганларга шуни билдираманки: масхара қилиш учун диндан фойдаланиш сизни жоҳил ва ирқчи инсонга айлантиради. Футбол инсонларни кимлиги ёки нимага ишониши учун ҳақорат қилиш учун эмас, балки завқланиш ва қўллаб-қувватлаш учун яратилган», — деди Ямаль.
Эслатиб ўтамиз, Испания ва Миср терма жамоалари ўртасидаги учрашув 0:0 ҳисобидаги дуранг билан якунланган эди.
ЖЧ-2026ни ўтказиб юборадиган энг қиммат футболчилар рейтинги тузилди
Эрон ҳукумати Азмуннинг мол-мулкини мусодара қилишни бошлади
Фабио Каннаваро: "Менга жангчилар керак"
