Ла Лига президенти Хавер Тебас Килиан Мбаппе ва Эрлинг Холанднинг келажаги ҳақида гапирди.
"Мен Холандни «Барселона»га, Мбаппени эса «Реал Мадрид»га ўтишини истардим. Икки буюк футболчи Лионел Месси ва Криштиану Роналду дунёнинг энг яхши иккита клубида тўп сурган ўтмишдагидек омадли бўлишимизни истайман. Бу масалада мен «Реал» мухлисидан кўра, кўпроқ Ла Лига мухлисиман.
Агар Мбаппенинг шартномаси ёзда тугаса ва«ПСЖ» билан янги шартнома имзоламаса, футболчининг клубдан кетиш эҳтимоли ҳақиқатан ҳам юқори бўлади. Оммавий ахборот воситалари ёзаётган ягона клуб - бу «Реал».
Умид қиламанки, омадимиз келади ва «Реал» бу трансферни амалга оширади. Мбаппе «Реал» ва Ла Лигага кўп нарса бера олади" - деди Хавер Тебас.
