Ла Лига ўзининг X (собиқ Twitter) саҳифасида 17-тур доирасида АҚШдаги Майами шаҳрида бўлиб ўтиши кутилган «Вильярреал» — «Барселона» ўйини бекор қилинганини маълум қилди.
Учрашув 2025 йил 20 декабрь куни соат 23:00 ( Тошкент вақти)да ўтказилиши режалаштирилган эди.
«Ла Лига чуқур афсус билан маълум қиладики, испан футболи интернационаллашуви йўлида тарихий ва ноёб имконият бўлган мазкур лойиҳа амалга оширилмайди. Испания чемпионатининг расмий ўйинини мамлакатимиздан ташқарида ўтказиш — мусобақамизни глобал даражада кенгайтириш сари муҳим қадам бўларди. Бу нафақат клубларнинг халқаро нуфузини ошириш, балки футболчиларнинг танилиши ва испан футболи брендини АҚШ каби стратегик бозорда мустаҳкамлашга хизмат қиларди», — дейилади Ла Лига баёнотида.
Аввалроқ ташкилотчилар мазкур баҳсни Майамида юқори даражада ўтказиш учун етарли вақт қолмаганини маълум қилишган эди.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
