Россиянинг инсон ҳуқуқлари бўйича вакили Татяна Москалкова 30 январь куни Давлат думасида сўзлаб, Украинани фақат "ёвузлик империяси" деб қараш нотўғри эканлигини, чунки у ердаги одамлар турлича эканлигини таъкидлади. Бу ҳақда "Meduza" хабар бермоқда.
Россия Омбудсмани айтишича, у Украинага олиб кетилган ва кейинчалик Россияга қайтарилган Курск вилояти аҳолиси билан суҳбатлашган. Улар турли хил воқеаларни сўзлаб беришган, деди Москалкова.
"Улар, жумладан, украиналик ҳарбийлар ўз озиқ-овқатларини келтириб, охирги бўлагини ҳам баҳам кўрганлари ҳақида гапиришди. Биз инсонийликни йўқотмаслигимиз ва уларда фақат "ёвузлик империяси"ни кўрмаслигимиз керак. Улар (украиналар) турлича. Улар ўзлари билан келган ёлланма аскарлардан қандай қутқариб қолишгани ҳақида ҳам айтишди, чунки бу ёлланма аскарларда ҳеч қандай муқаддас нарса йўқ," деди Москалкова.
Россия Омбудсмани яна қўшимча қилишича, украиналик ҳарбийлар православ, шунинг учун улар, уларнинг "қалби ва маънавияти" учун "курашиш" зарур.
