Transparency International ташкилоти томонидан эълон қилинган янги рейтингда Ўзбекистон 180 та давлат ичида 121-ўринни эгаллади. Ўзбекистон ушбу рейтингда ўтган йили ҳам 121-ўринни эгаллаган эди. 100 баллик индекс бўйича (бу ерда 0 — коррупциянинг ўта юқори даражаси, 100 — ўта паст даража) Ўзбекистон 32 балл (бир йил аввал — 33 балл эди) тўплади.
2024 йилги рейтингнинг етакчиси яна Дания (90 балл) бўлди. Ундан кейин ўринларни Финляндия (88) ва Сингапур (84) эгаллади.
180 та давлат ичида энг охирги ўринларни Жанубий Судан (8 балл), Сомали (9 балл) ва Венесуэла (10 балл) эгаллади.
Дунё бўйича коррупцияни қабул қилишнинг ўртача кўрсаткичи 43 баллни ташкил этади.
Германиянинг натижаси (75 балл, 16-ўрин) ушбу рейтинг тузилганидан бери энг паст даражада бўлди. Янгиланган индексда Украина 35 балл билан 106-ўринни эгаллади.
Сўнгги беш йил ичида 13 та давлат, жумладан Россия (22 балл, 157-ўрин) ва Беларус (33 балл, 114-ўрин), ўз натижаларини сезиларли даражада ёмонлаштирди. Шу билан бирга, етти давлат, жумладан Молдова (43 балл, 78-ўрин), ўз позициясини анча яхшилади.
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Россия Хитойдан тинчликпарвар кучларни қабул қилишга рози
