Россияда, Удмуртнинг Сарапул шаҳрида сохта спиртдан заҳарланиб олти киши вафот этди. Бу ҳақда вилоят Тергов қўмитаси сайтида хабар берилди.
Тергов маълумотларига кўра, бир кун олдин, 10 апрель куни, хонадонлардан бирида 39 дан 49 ёшгача бўлган иккита эркак ва иккита аёлнинг жасадлари топилган. 39 ва 44 ёшли яна иккита эркак касалхонага ётқизилган, аммо улар ҳам вафот этган.
"Ўлимнинг дастлабки сабаби - улар бир кун олдин алкогол сифатида ишлатган номаълум кимёвий модда билан заҳарланган", дейилади хабарда.
Шунга ўхшаш аломатлари бўлган яна бир киши тиббий ёрдам сўраб мурожаат қилган, у тирик қолган.
Воқеа юзасидан жиноий иш қўзғатилди.
Жиноят содир этишда гумон қилиниб, воқеа қурбонларига алькогол ичимлиги ниқоби остида модда етказиб берган 52 ёшли маҳаллий фуқаро қўлга олинди.
