Коронавирус! Европа АҚШдан юз ўгирмоқда

Германия Маршалл Жамғармасининг катта илмий ходими (ташкилот Россия Федерациясида тақиқланган) Ноу Баркин AҚШнинг коронавирусга бўлган муносабати Хитойга қараганда Европани кўпроқ ташвишга солганини айтди. Бу ҳақда Foreign Policy хабар бермоқда.

Баркин Кербер жамғармаси томонидан ўтказилган сўров натижаларига таянди. Сўровномада қатнашган немисларнинг 37 фоизи AҚШни мамлакатнинг энг муҳим ҳамкори деб аташган, аммо деярли 36 фоизи Хитойни танлаганди.

Жамоатчиликнинг фикри ўзгарди: 2019 йил сентябрь ойида шунга ўхшаш сўров натижаларига кўра, AҚШ Хитойга нисбатан 26 фоиз устунликка эга эди. Шу билан бирга, янги сўровномада қатнашганларнинг атиги олти фоизи Хитой ҳақидаги фикри ёмонлашганини айтди, респондентларнинг 73 фоизи эса Қўшма Штатлар ҳақида камроқ ўйлай бошладилар.

Кербер жамғармаси ижрочи директори Нора Мюллер Foreign Policy нашрига берган интервьюсида немисларнинг AҚШ ҳақидаги қарашлари коронавирус билан боғлиқ вазиятдан олдин ҳам ёмонлашганини айтди. Бироқ AҚШ Президенти маъмурияти ва Дональд Трампнинг пандемия пайтида қилган ҳаракатлари вазиятни янада оғирлаштирди.

Баркин Германиядаги сиёсатчилар нафақат биринчи ҳафталарда Хитой коронавирус ҳақида маълумотни қандай яширганлигини, балки мамлакат эпидемияни қандай қилиб муваффақиятли тўхтатганини ҳам кўришларини таъкидлади. Қўшма Штатларда, унинг фикрига кўра, тартибсизлик ва ҳокимиятнинг биргаликда ҳаракат қила олмаслиги ҳукмрон, фан билан ҳамкорлик қилишни исташмайди ва Трампнинг қайта сайланиши учун AҚШ-Хитой муносабатларини бузишга уринишади.

Мутахассис бу масала фақат Трампга боғлиқ эмаслигига амин, келаси йили Жо Байден сайланган тақдирда ҳам партиялараро бўлиниш сақланиб қолади.

Баркин, шунингдек, Британияда ўтказилган сўров натижаларига эътибор қаратди, унга кўра британияликларнинг атиги 28 фоизи AҚШнинг хатти-ҳаракатига жавобгар деб ҳисоблайди. Бу 2020 йил январига нисбатан 13 фоизга кам.

Французлардан келгуси ўн йилликларнинг асосий муаммоларини ҳал қилиш учун ҳозир қайси давлат энг яхши ҳолатда эканлигини сўралди. Aтиги 3 фоиз одам AҚШни танлади. Италияда эса 36 фоиз аҳоли  Хитой билан муносабатларга эътибор беришни истайди, 30 фоизи AҚШни танлайди.

Экспертнинг таъкидлашича, Европа Хитой билан йирик сармоявий битим ва иқлим ўзгаришига қарши биргаликда кураш бўйича музокаралар олиб бормоқда. Aгар шартномалар тузилса, бу AҚШнинг Европадан "айрилаётгани"нинг яна бир белгиси бўлади.