Россия президенти бу ҳақда Бош штаб бошлиғи Валерий Герасимов ва гуруҳ командирлари билан йиғилишда айтиб ўтди.
"Россия шу ҳафта ядро кучлари машғулотлари чоғида истиқболли қурол намуналари синовларини ўтказди. Россиянинг ядро қалқони ўз ишончлилигини тасдиқлади", — деди президент.
Путин, шунингдек, “Буревестник” ракетасининг синовлари якунланганини билдирди. Унинг таъкидлашича, ядровий энергия тизимига эга “Буревестник” қанотли ракетаси дунёда ўхшаши бўлмаган ноёб қурол ҳисобланади.
Герасимовнинг Путинга берган ҳисоботига кўра, “Буревестник” ракетаси синови 21 октябр куни ўтказилган, ракета 14 минг километр масофани босиб ўтган.
Унинг айтишича, “Буревестник” ракеталарга қарши мудофаа тизимларини айланиб ўтиш имкониятларини намойиш қилган.
Путин шунингдек, бу ракетани жанговар навбатчиликка қўйиш учун ҳали катта ишлар бажарилиши кераклигини таъкидлади.
"Вақт Исроилга қарши ишлаяпти..."
10 ёшли бола отаси билан Жанубий Корея аэропортида тўрт ойдан бери яшаб келмоқда (фото)
Владимир Путиндан жавоб: Россия-АҚШ саммити кейинга қолдирилди
