Аввалроқ ижтимоий тармоқларда Нукусда учта автомобиль — иккита Cobalt ва Жигули иштирокида йўл-транспорт ҳодисаси содир бўлгани ҳақида хабарлар тарқалди. Аварияга 2025 йилда ишлаб чиқарилган Cobalt автомобилининг тормоз тизимида кузатилган носозлик сабаб қилиб кўрсатилган.
UzAuto Motors бу бўйича расмий изоҳ бериб, ушбу хабарлар ҳақиқатга тўғри келмаслигини билдирди. Компанияга кўра, ҳозиргача бу моделдаги автомобилларнинг тормоз тизимидаги носозлик бўйича мурожаат келиб тушмаган.
Автомобиль ишлаб чиқарувчиси ишлаб чиқаришнинг барча босқичларида, шунингдек, тормоз тизимини синовдан ўтказишда автомобиль кўп босқичли сифат назоратидан ўтишини қайд этди.
Йиғиш жараёнида тормоз тизимида вакуум ҳосил қилиниб, автоматик равишда ва етарли миқдорда хатоликдан ҳимоя қилинган ҳолда (Error Proof) тормоз суюқлиги қуйилади, тормоз блокланишга қарши модули (ABS) ва электр боғланишларининг созлиги статик ҳолда текширилади.
Якуний босқичда (Dynamic Vehicle Test) автомобиль айланувчи стендда ҳаракатлантирилиб, тормоз тизими реал эксплуатацияга яқин шароитда динамик синовдан ўтказилади.
UzAuto Motors бу каби хабарларни диққат билан кузатиб бориш ва фойдаланувчиларни текширилмаган маълумотларни тарқатмасликка ҳамда жамоатчиликни чалғитмасликка чақиради. ЙТҲ сабабларига ойдинлик киритиш бўйича якуний баҳо ИИВ ЙҲХХ томонидан берилади.
Ҳақиқий даҳшат! Самарқандда эркак ҳомиладор хотинини тириклай кўмгани маълум бўлди
Тошкент вилоятида ҳибсхона ходимлари педофилнинг қочиб кетишига шароит яратганми?
Тошкентда бўлажак куёв қизни алдаб, ҳовлисини сотиб юборгани юзасидан расмий маълумот берилди
