АҚШ президенти Дональд Трамп Россия етакчиси Владимир Путин билан учрашув фақат Россия-Украина урушини тугатиш бўйича келишув истиқболига ишончи комил бўлганда бўлишини айтди.
Трамп бу ҳақда Осиё бўйлаб турнеси доирасида маълум қилди.
"Биз келишиб олишимизни билишимиз керак", деди Америка етакчиси Путин билан қачон учрашишга тайёр эканлиги ҳақидаги саволга жавоб берар экан.
Трамп Россия-Украина можаросида тинчлик жараёнининг боришидан ҳафсаласи пир бўлганини билдирди.