Конгонинг Кванго провинцияси депутатлари Миллий парламент спикери Кристоф Мбозога мурожаат билан чиқиш қилиб, ундан ҳудудда тарқалган номаълум эпидемияга қарши кураш чораларини кўришни сўраган. Бу ҳақда маҳаллий Actualite нашри хабар тарқатган.
«Номаълум касаллик юртдошларимизни нобуд қилмоқда, 14 киши мазкур хасталикдан вафот этди. Инфекциянинг қаердан ва қандай келиб чиққани ҳанузгача аниқлангани йўқ», — деган парламентарий Паси Запамба.
Провинция губернатори Жан-Мари-Пти-Пти Frans Press нашрига берган интервьюсида номаълум касаллик ўтган ойда тарқала бошлаганини маълум қилган. Маълумотларга кўра, касаллик асосан 60 дан 80 ёшгача бўлган кекса одамлар ҳаёти учун хавф туғдирмоқда. Ҳалок бўлганларнинг ҳаммаси Касонго-Лунда ҳудудида яшаган.
Аввал Гвинея ва Конгода Эбола вируси аниқлангани, ўлим ҳолатлари борлиги, Конгода одамларни Эболага қарши эмлаш ишлари бошлангани ҳақида хабарлар берилганди.
Столтенберг: “Агар Украина урушда ютқазса..."
Америкаликлар Путин нима учун Шойгуни алмаштирганини тушунтирди
Арманистон шу йилнинг ўзидаёқ Европа Иттифоқига киришга тайёр
