2026 йилги футбол бўйича Жаҳон чемпионати бошланиши арафасида Конго Демократик Республикаси (Конго ДР) миллий терма жамоаси ва унинг мухлислари кутилмаган ва жиддий зарбага учради.
Мамлакатда авж олган Эбола эпидемияси нафақат соғлиқни сақлаш тизимини, балки мамлакатнинг тарихий спорт байрамини ҳам хавф остига қўйди.
Конго ДР расмий расмийлари мамлакатда Эбола вируси туфайли юзага келган вазият ўта критик даражага етганини маълум қилди. Сўнгги маълумотларга кўра, эпидемия аллақачон 130 кишининг ҳаётига зомин бўлган. Шу сабабли фуқаролар ва спортчилар хавфсизлигини таъминлаш мақсадида, миллий терма жамоанинг пойтахт Киншаса шаҳрида режалаштирилган Жаҳон чемпионати олдидан сўнгги ўқув-машғулот йиғини расман бекор қилинди.
Янги қоидаларга кўра, сўнгги уч ҳафта (21 кун) ичида Конго ДР ҳудудида бўлган ҳар қандай фуқаронинг АҚШга кириши тақиқланди, бу эса терма жамоани мухлисларсиз қолдириши мумкин.
Эслатиб ўтамиз, Фабио Каннаваро қўл остидаги Ўзбекистон терма жамоаси 28 июнь куни Конго ДР терма жамоаси билан рўбарў келади.
Ламин Ямал «Барселона»нинг байрам кечасига янги севгилиси билан ташриф буюрди (фото)
Моуриньо "Реал"дан ҳайдайдиган илк футболчи номи маълум
«Манчестер Сити» янги бош мураббий билан келишувга эришди
