Эрон АҚШдан янги тинчлик шартномаси лойиҳасини олди

Эрон АҚШдан янги тинчлик шартномаси лойиҳасини олди. Трамп Теҳрондан "керакли жавоблар" кутаётганини, акс ҳолда урушни қайта бошлашга тайёрлигини маълум қилди

Бу ҳақда Эроннинг Tasnim ахборот агентлиги ўз манбаларига таяниб хабар бермоқда.

Агентликнинг ёзишича, АҚШ томони ҳужжатни Покистон воситачилигида етказган. Теҳрон ҳозирда матнни ўрганмоқда ва ҳали жавоб бергани йўқ.

Доналд Трамп агар Эрон тинчлик шартномасига рози бўлмаса, АҚШ Теҳронга зарбалар беришни давом эттиришга тайёрлигини айтди. Шу билан бирга, у Вашингтон "тўғри жавобларни олиш" учун бир неча кун кутиб туриши мумкинлигини истисно қилмади.

"Ишонинг, агар биз тўғри жавобларни ололмасак, ҳамма нарса жуда тез содир бўлади", — деди Доналд Трамп.

Журналистларнинг шартнома лойиҳасига жавобни у қанча кутишга тайёрлиги ҳақидаги саволга Трамп: "Бу бир неча кун бўлиши мумкин ёки жуда тез содир бўлиши мумкин", — деб жавоб қилди.

Axios агентлигининг маълумотларига кўра, Трамп Эрон билан келишувга эришиш бўйича ушбу янги уринишни Исроил Бош вазири Бинямин Нетаняҳу билан телефон орқали муҳокама қилган. Манбаларнинг билдиришича, Трамп воситачилар Вашингтон ва Теҳрон ўртасида урушни расман якунлаш ва 30 кунлик музокаралар даврини бошлаш учун имзоланиши керак бўлган "ниятлар мактуби" устида ишлаётганини айтган, дейилади хабарда.