Комор ороллари қирғоқларида ноқонуний муҳожирларни олиб кетаётган қайиқ ағдарилиб кетиши оқибатида камида 25 киши ҳалок бўлди.
БМТ Халқаро Миграция Ташкилоти маълумотларига кўра, фожиа 1 ноябрь куни содир бўлган.
Воқеа содир бўлган куннинг эртасига қутқарувчилар беш нафар тирик қолганларни топди. Қайиқда 30 га яқин одам — турли миллат вакиллари, жумладан, етти нафар аёл ва тўрт нафар бола бўлгани хабар қилинган.
ХМТ, шунингдек, сўнгги ойларда яна иккита шунга ўхшаш ҳодиса ҳақида хабар берди. Август ойида худди шу ҳудудда қайиқнинг чўкиши оқибатида 8 киши, сентябрь ойида эса 12 киши ҳалок бўлган эди.
