Густаво Петро 21 июнга қадар лавозимидан вақтинча четлатилиши мумкин. Бу ҳақда Reuters агентлиги махсус тергов комиссиясидаги манбаларига таяниб хабар берди.
Маълум қилинишича, комиссия президентни вақтинча вазифасидан четлатиш бўйича қарор қабул қилиш масаласини кўриб чиқмоқда. Шу билан бирга, маҳаллий El Tiempo нашри бундай қарор аллақачон қабул қилинганини даъво қилган.
Манбаларнинг таъкидлашича, эҳтимолий четлатиш жазо эмас, балки тергов давомида қўлланиладиган эҳтиёт чораси ҳисобланади.
9 июнь куни президент Петрога нисбатан икки та интизомий тергов бошланган. Терговлар унинг сайловлар арафасида сиёсий кампания тадбирларида қатнашгани ва давлат раҳбари сифатида сиёсий жараёнларга аралашган бўлиши мумкинлиги билан боғлиқ.
Хусусан, текширувга сабаб бўлган ҳолатлардан бири — Петронинг минтақавий парламентдаги чиқиши бўлиб, унда мухолифат вакилларига нисбатан кескин танқидлар янграган.
Густаво Петронинг ўзи навбатдаги президентлик сайловларида иштирок этмаслигини маълум қилган. Ҳозирда ҳокимиятдаги Тарихий шартнома коалицияси номидан Иван Сепеда сайловда қатнашмоқда.
Дастлабки овоз бериш натижаларига кўра, Иван Сепеда 40,9 фоиз овоз тўплаган. Мухолифатдаги Ватан учун фирма партияси вакили Абелардо де ла Эсприэлла эса 43,7 фоиз билан етакчилик қилмоқда.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Ўзбекистон – Нидерландия ўртоқлик ўйини Нью-Йоркда бўлиб ўтади
